श्री क्षेत्र नस्तनपूर विषयी थोडेसे ...

पुण्यवान भारतभूमी मध्ये संतांच्या पदस्पर्शात पुलकित झालेल्या महाराष्ट्रात नाशिक व नाशिक जिल्ह्याचे अलौकिक स्थान आहे. त्र्यंबकनगरीचा त्र्यंबकराज वणीगडावरील भगवती सप्तश्रृंगी, चांदवडची रेणुकामाता व नांदगांव नस्तनपूर येथील श्री शनिदेव हि नाशिक जिल्हातील पंचरत्न अशी देवस्थाने आहेत. या देवस्थानच्या दर्शनाने व गोदावरीच्या कुंभस्नानाने शतजन्माची पापे नष्ट होतात.

देशभरातील शनिमहाराजच्या साडेसात पीठांपैकी श्री क्षेत्र नस्तनपूर ता. नांदगांव जि. नाशिक हे स्वयंभू पूर्ण पीठ म्हणून आखिल भारतात ओळखले जाते व अख्यायिका प्रमाणे प्रभू रामचंद्रांनी स्वहस्ते स्थापन केलेल्या साडेतीन पीठामध्ये नस्तनपूरला पूर्णपीठ म्हणून मान्यता आहे.