श्री क्षेत्र नस्तनपूर ता. नांदगांव जि. नासिक हे ठीकाण श्री शनिदेवांचे “स्वयंभू जाज्वल्य” व प्रभू रामचंद्रांनी स्थापन केलेले असे प्राचीन स्थान आहे. नांदगांव चाळीसगांव रस्त्यावर नांदगांव पासून १८ कि.मी. अंतरावर आहे. तर नांदगांव औरंगाबाद रोडने नांदगांव पासून ९ कि.मी. अंतरावर चाळीसगांव फाटा लागतो. त्या ठिकाणी शनि देवस्थानाने लावलेली भव्य कमान आपले स्वागत करते.

कमानीपासून ९ कि.मी. आत गेल्यास श्री क्षेत्र नस्तनपूर हे पवित्र तीर्थक्षेत्र आहे. या ठिकाणी चाळीसगाव-नांदगाव येथून बसने जाता येते. खाजगी गाड्याची सुद्धा सुविधा आहे. मनमाड-भुसावळ या रेल्वे जंक्शन दरम्यान हे स्थान आहे. पिंपरखेड व न्यायडोंगरी या स्टेशनवर पँसेंजर गाडीने उतरून नस्तनपुरास जाता येते. नांदगाव,मालेगाव,चाळीसगाव,नाशिक येथून श्री क्षेत्र नस्तनपूर पर्यंत थेट बस आहे. जाण्यासाठी पक्का रस्ता (डांबरी रोड)आहे.